மகிழம்பூச்சரம்

வாடினாலும் வாசம் மாறாத எண்ணங்களின் வண்ணச்சரங்கள்......

நண்பர்கள்

      மதுரையில் கிட்டதட்ட 10 நாள் நடக்கும் சித்திரை திருவிழாவில் மீனாட்சி அம்மன் திருக்கல்யாணம், திருத்தேர், எதிர் சேவை , கள்ளழகர் ஆற்றில் இறங்குதல் ஆகியன முக்கிய நிகழ்ச்சிகள். 

      திருக்கல்யாணம் நடைபெறும்போது நிறைய பெண்கள் தாலிக்கயிறு மாற்றுவார்கள். மங்கல வாத்தியங்கள் முழங்க மனைவி தாலி கட்டிக்கொள்ளும் போது கணவர் அருகில் அமர்ந்து உதவி செய்வது அருமையான காட்சி. மீண்டுமொரு வசந்ததின் நினைவு.

   திருமணம் முடித்து மறுநாள் சொக்கருடன் மீனாட்சி திருத்தேரில் நகர்வலம். இன்றிலிருந்து எட்டு மாதத்திற்கு சொக்கரின் ஆட்சிதான். மீதி நான்கு மாதங்கள் மட்டுமே மீனாட்சி ஆட்சி. புதிய மன்னரிடம் நாட்டு மக்கள் வருகை பதிவு செய்ய வேண்டுமல்லவா அதுதான் தேரோட்டம். எப்போதும் கள்ளழகர் தங்கையின் திருமணத்திற்கு தேருக்கு மறுநாள்தான் தாமதமாக வருவார். எனவே மதுரை மக்கள் அவரை எதிர்கொண்டு அழைக்கும் எதிர்சேவை திருத்தேருக்கு மறு நாள்தான் வரும். இந்த வருடம் தேரில் மீனாட்சி அலங்காரமாக வரும்போதே, மதுரை வந்துவிட்டார் அழகர். தங்கையின் திருமணக்கோலம் கண்டு இந்த முறை கோபிக்கமாட்டார் என்று நினைத்தால் , இந்த முறையும் கோபம் கொண்டு வண்டியூர் சென்று விட்டார். ( புதிய தங்க குதிரை வாகனம் அத்தனை எடுப்பாக இல்லை ஒன்றரை கோடியாம்)

      அதனால் என்ன, தேர் திருவீதி உலாவரும்போது இனிமையான காட்சிகள் நிறைய கிட்டின. மனவி மக்கள் அத்தனை பேரையும் ஒரு பாதுகாப்பான இடத்தில் நிற்க வைப்பதும், பலூன், பஞ்சு மிட்டாய் என பிள்ளைகளின் தேவைகளுக்காய் பர்ஸை திறக்கும் குடும்பத்தலைவர்களின் பொறுப்பு. ஊரிலிருந்து வந்திருக்கும் அத்தை அல்லது மாமன் மகளுக்காக முண்டியடித்துச் சென்று இலவசமாக வினியோகிப்படும் பொங்கல், பானங்கள் ஆகியவற்றை வாங்கி வந்து " சாப்பிடுலேய்" என்று சொல்லும் குட்டி முறைமாமன்கள். ( இதில் சுற்றும் முற்றும் பெருமையாய் ஒரு பார்வை வேறு).

    எதிர் சேவையின் போது, விரதமிருந்து அழகர் வேசம் போட்டு வருபவர்கள் தண்ணீரை தெளிக்கும்போது நேயர் விருப்பமாக சிலர் கேட்டு நனைந்து செல்வர். இரவு முழுவதும் தண்ணீர் பீய்ச்சும் அவர்கள், மறுநாள் அழகர் மீது தீர்த்தவாரி செய்வதுதான் வேண்டுதலின் முக்கிய கட்டம். புதிதாக மாலை போட்டு இருப்பவர்களுக்கு தண்ணீர் பீய்ச்சத் தெரியாமல் திணறுவது ஒரு வேடிக்கை. ஓரு குட்டி அழகர் ரொம்ப நேரம் திணறிவிட்டு ஒரு துளியை தெளித்துவிட்டு வாய்விட்டு சிரித்தது ரம்மியமான காட்சி.

    இந்த சமயத்தில் மதுரையில் எங்காவது நின்று கொண்டு " அவரை எங்கே பார்க்கலாம்?" என்று பொதுவாக கேட்டால்கூட, புதூர் மாரியம்மன் கோவில்,டிஆர்வோ காலனி, டிவிஎஸ் பங்களா என ஏதாவது ஒரு இடத்தை யாராவது சொல்லிவிடுவார்கள். இந்த இடத்தில் அவர் என்பது அழகரைத்தான் குறிக்கும். " அழகர் கண்ணுல சிக்கலேயே " என்பதுபோல தேடி ஓடஓட எங்காவது மண்டகப்படிக்கு மின்னல் வேகத்தில் சென்றுவிடுவார். அழகரை கண்டுபிடிக்க வண்டியில் வரும் உண்டியலையும் சொல்வார்கள். மலையிலிருந்து வரும்போதே அவருடன் ஒர் டஜன் உண்டியல்கள் வரும். உண்டியல் வந்த கால் மணி நேரத்தில் அழகர் வந்து விடுவார்.
இங்கேயும் இரு சக்கர வாகனத்தில் மனைவியை அழைத்துக்  கொண்டு   சந்து பொந்து     புகுந்து  எப்படியாவது அழகரை பார்க்கவைத்து மனைவியிடம் பாஸ் மார்க் வாங்கி வெற்றி வீரர்களாவது கணவர்களின் கடமை.

    என்னது திருவிழாவை பற்றி பக்தியான விசயங்கள் சொல்லாமல் இப்படி ரன்னிங் கமெண்ட்ரியாக வருகிறதே என்று யோசிக்கிறீர்களா. திருவிழாவினால் என்ன நன்மை என்று தெரிய வேன்டாமா. இவ்வளவு களேபரத்தில் குடும்பச்சண்டைகள் குறைந்து இனிமை திரும்புவது நல்ல விசயம்தானே. இந்த நாட்களில் மனதின் பதட்டம் அழுத்தம் குறைந்து ஒரு புத்துணர்ச்சி பரவுவதை அனைவரும் ஒப்புக்கொள்வார்கள். இதற்கு மேல் சொக்கர், மீனாட்சி, அழகரின் அருள் எல்லாம் கூடுதல் நன்மைகள். இனிய உறவுகள் உற்சாகம் பெற திருவிழாக்கள் அவசியம். என்ன நான் சொல்வது சரிதானே.



 

15 comments:

Interesting logic.

Temple festivals r for Hindus. From ur post, it is not known whether this 10-day grand jamboree bring gaiety and enthusiasm to other religious people also of ur city. Ur city does have, as you know quite well, a humungous population of Muslims, and another large percentage of Christians.

I don’t lower the significance of your proud temple festival. But I do feel concerned to see u write as if such people don’t live in your city. If you do feel concerned proving me wrong, then please tell us whether this festival is looked forward to by them also. Of course, the mercantile communities among them will, coz they can make a killing by selling their all kinds of produce to the festival-going masses, and earn instant money.

So, leave them out and tell us if they participate in this jamboree. They can only if they take it w/o any religious aspect in it.

Pl don’t think I am so small minded enough to cast aspersions on such festival in which the Madurai Hindus rejoice.

But Madurai today is not a city of Hindus only.

If a muslim or a christian had written similar post symbolising the city with their festival, my rejoinder would be the same word for word.

It is also a point to ponder that such jamborees where masses participate will make ur city as a city of followers only. Individualism which help civilisation flourish will be largely absent as it wont be encouraged.

Jamborees for God, blind masses, running hither and thither to spot a God to please a wife – it is amusing to read u.

No wonder, on my last visit to ur city, which was around Pongal, I saw the statues of the most hated atheist of TN at every road junctions.

Madurai need thinkers, and people who encourage thinkers. Not you. I am sorry bro.

சில பேர் வீட்ல திருவிழாவிற்கு கிளம்புறதுக்குள்ள ஒரு சண்டை வந்து,திருவிழாவை பாக்கும் போது ஒருவருக்கொருவர் முகத்த திருப்பிக்கிறதுலாம் நடக்குங்க.

//But I do feel concerned to see u write as if such people don’t live in your city// Mr.amalan for your kind information people from other religion also participates, Because , We Madurai people believing that Meenakshi is not the Goddess only she is the ruler of the city.

//If a muslim or a christian had written similar post symbolising the city with their festival, my rejoinder would be the same word for word.// O.K, it is the way of criticism .Then leave it.

//Jamborees for God, blind masses, running hither and thither to spot a God to please a wife – it is amusing to read u.// the running is not for the god shake only , It is a feel of happiness Mr. amalan , It makes the wife little more proud about her husband, when he takes such risk ( driving In the crowd, in the hot sun ) to satisfy her simple longing. It is a touch of love you know.

//No wonder, on my last visit to ur city, which was around Pongal, I saw the statues of the most hated atheist of TN at every road junctions.// most hated atheist …..? before getting cleared knowledge about them Don’t conclude like this , you need to read more about them.
//Madurai need thinkers, and people who encourage thinkers. Not you.// O.K sir. My wish is also the same. Let Madurai also loose its traditional traits, culture , its village flavor, people of white hearted nature – see these things are you can understand only when you live with the Madurai people. Please don’t read Madurai, you have to feel this great city. You know I am not the person belongs to this oldest city. Thank you Mr. Amalan for your open minded comment.

//thirumathi bs sridhar said...

சில பேர் வீட்ல திருவிழாவிற்கு கிளம்புறதுக்குள்ள ஒரு சண்டை வந்து,திருவிழாவை பாக்கும் போது ஒருவருக்கொருவர் முகத்த திருப்பிக்கிறதுலாம் நடக்குங்க.// விசேசமான நாட்களிலேயே இப்படியென்றால், மற்ற நாட்களில் நிலைமை ரொம்பவும் மோசம் போல . நன்றி ஆச்சி.

அமலன் அண்ணே , உங்களுக்கு ஒரு விஷயம் தெரியுமா , மீனாக்ஷி திருக் கல்யாணத்தன்று ஒரு முஸ்லிம் நண்பர் கோவிலுக்கு வரும் அனைத்து சுமங்கலி பெண்களுக்கும் மாங்கல்யம் பிரசாதமாக தருவாராம். இப்பவும் இது இருக்கானு தெரியலை

இன்னொரு விஷயம், இந்தியப் பொருளாதாரத்தின் ஆணி வேறே இந்தமாதிரி திருவிழா தான்.

சாகம்பரி , மதுரை சித்திரை திருவிழாவை பற்றி எவ்வளவு எழுதினாலும் படிக்கலாம்.

இப்போதும் நடக்கிறது எல்.கே. ஒருவர் மட்டுமல்ல நிறையபேர் மாங்கல்ய பிரசாதம் தருவது, சந்தன கூடு விழா போன்று பூந்தி தருவது ஆகியன செய்கின்றனர். ப்ழனி பாதயாத்திரை செல்வோருக்கு என்னுடைய முஸ்லிம் நண்பர் வாழைப்பழங்கள் வினியோகிப்பார். மிகவும் அருமையான பிரியமான மக்கள், வெள்ளை மனம் கொண்ட கிராமிய கலாச்சாரமிக்க பூர்வீக மதுரை. திரு. அமலன் போன்றோருக்கு உண்மையான மதுரையை தெரியவில்லை. சில சினிமா படங்கள் தந்த உருவகம் ஆக இருக்கலாம். கருத்துரைக்கு நன்றி திரு.எல்.கே.

This year i held up here at USA to look after my Grandson, Otherwise everyyear i used to go to this vizha, because the mandakaptti has to be perform by her family.
So we used to attent to it.
This year I am happy reading your writings. Thanks.
viji

ப்ரீயா விடுங்க சாகம்பரி. ஒரு சிலருக்கு மத சகிப்புத்தன்மை என்றால் அர்த்தம் வேறு. திரு அமலன் வேறு மாதிரி கமென்ட் போட்டு இருந்தால் மட்டுமே எனக்கு வியப்பா இருந்திருக்கும். இந்த கமென்ட் எனக்கு ஆச்சர்யத்தை அளிக்கவில்லை :)

u r correct madam.
but appadiye andha kudhirai mela kallazhagar
aaththula irangara oru photo onnum potruntheengannaa naan romba happyairuppen

bombay jayashree paadina "azhaga azhaga azhaiththu kai thozhuthu vanthen" paattu ketrukkeengalaa madam?
ketkum pozhuthu appadiye azhagar kan munnadi
vandhuduvaar.such a excellent song

வணக்கம் வருகைக்கும் கருத்துரைக்கும் நன்றி விஜி மேடம்.

முதலில் வித்தியாசமாகப்பட்டது, பிறகு புரிந்து கொண்டேன் - நன்றி திரு.எல்.கே.

சொந்தமாக புகைப்படம் எடுக்க வேண்டும் என்று கேமிராவுடன் அழைந்தாலும், கூட்டத்தில் எடுக்கவே முடியவில்லை. அழகர் குதிரை வாகனத்தில் விடியல் காலை 2.30 மணிக்கு கிளம்பிவிடுவார். நான் மூன்று மணியிலிருந்து காத்திருந்தேன். இது ஓசி. நன்றி, ராஜி.